Pintxopote txapelketa - Elorri Ikastetxe Publikoa - Ikasnova

ELORRI IKASTETXEKO “PINTXOPOTE
OLINPIADAK” ATE JOKA DATOZ GABONETAN
Elorri ikasle, langile zein irakasleok Ikastetxeko “Pintxopote
Olinpiadak” ospatuko ditugu historian lehenengo aldiz abenduaren
20an, eskolan.
Jada, urte pare bat da eskolan gure metodologia aldatu eta garai berri
hauetara egokitu dugula. Hori dela eta, eskolako 3. zikloko ikasleon
ahotik dator hurrengo lerroetan plazaratuko dizuegun berrikuntzaren
ildoa. Lehen aipatu bezala, eskolan 5. eta 6. mailako ikasleek astean
arratsalde batez, elkarrekin elkartu eta tailerrak lantzen ditugu. Aukera
bikaina adin ezberdinekoen arteko lanaz gozatzeko.
Bertan proiektu global eta dibertigarri bat sortzea genuen helburu. Hori
dela eta, iritzi guztien artean “Pintxopote” olinpiadek liluratu gintuen.
Orokorrean, ikasle guztiak bat gentozen ideiarekin eta egun horretan
etxera ilusioz gainezka joan ginen, gurasoei ideia kontatzeko asmoz.
Gurasoak ere txora-txora geratu ziren.
Proiektu honen gidariak irakasle eta ikasleok izango garenez, ekin
genion proiektuari. Lehenengo pausoa, olinpiaden arautegia egitea izan
zen. Honakoa, adin ezberdinetako ikasleok osatutako taldeetan burutu
zen. Izan ere, halako proiektu bat egiteko, ezinbestekoa da, guztion
elkarlana: besteak entzun, iritziak errespetatu eta elkarri animatu.
Gaur egun, ez dugu pauso gehiagorik eman. Hala ere, oraindik, bide
luzea geratzen zaigu aurretik: epaimahai justu eta objetiboak bilatu,
babesleren bat topatu, kartelak sortu, parte hartzaileen inskripzio
orriaren prestakuntza….
5. eta 6. mailako ikasleok faltan botatzen dugu eskolako gainontzeko
ikasleekin (Haur Hezkuntzatik hasita eta goiko mailetaraino) proiektuak

burutzea. Beraz, gure ustez, proiektu honen helbururik garrantzitsuena,
hori da: proiektu amankomuna berreskuratzea.
Gu, behintzat, 6. mailako ikasleok, hurrengo urtean eskola utziko dugu
eta horregatik, asko gustatuko litzaiguke 3. ziklora heltzen diren ikasleek
halako proiektu eta iniziatibak izan ditzaten etorkizunean zehar.
Hau izan da dena. Gu burubelarri jarraituko dugu proiektua sortzen eta
aurrera ateratzen. Espero dugu abenduaren 20rako proiektuaren nondik
norakoak bideratuak egongo direla eta egun zoriontsu bat bizitzeko
aukera izan dezagun, aurten eskolan, bizituko dugun azken urte
zirraragarri honetan.
6.mailako ikasleak.