1.Ildo metodologikoak

Gure eskola poliki-poliki jendartearen eskaerara egokitzen ari da eta metodologia berrietan murgiltzeari ekin diogu. Garrantzitsua iruditzen zaigu eskola guztia bide beretik joatea, hortaz, ildo amankomunak ezarri dira maila guztietarako, maila bakoitzak ildo horiek jarraituko dituelarik bere adineko gaitasunak kontutan hartuz. Ondoko hiruak dira egun jarraitzen ditugun oinarrizko ildoak: tailerrak, irakaskuntza partekatua eta metodologia kooperatiboa. 
Responsive Image

1. 1. Tailerrak

Haur Hezkuntzan urte asko daramatzate tailer desberdinak egiten, urtez urtera, behar eta ikasleen ezaugarriak kontutan hartuz batzuk edo besteak egitea aukeratzen delarik. Pandemiaren garaian ezin izan ziren aurrera eraman eta behin pasa eta gero, berriro berreskuratzea ezinbestekotzat jo zen. Ikusita hain ongi funtzionatzen zutela, poliki-poliki, Lehen Hezkuntzan ere txertatzea erabaki zen, horrela bada,  1. zikloan, 2. zikloan eta 3. zikloan ere ezarri egin ziren, hurrenez hurren. Beraz, egun, ikasle guztiek parte hartzendute tailer desberdinetan.

1.1.1. Haur Hezkuntza Tailerrak

Haur Hezkuntzako tailerrak astearte arratsaldetan egiten dira. Horretarako, hiru, lau eta bost urteko geletako haurrak beraien artean nahasten dira. Horrela bada, tailer bakoitzean adin desberdinetako ikasleak egoten dira. Ondokoak dira aurten egiten ari garen tailerrak:

1.1.2. Lehen Hezkuntzako Tailerrak

Haur Hezkuntzako tailerrei nolabait jarraipen bat emateko, Lehen Hezkuntzan ere tailerrak egiten hasi ginen duela lau urte. Ziklo desberdinen arteko ikasleak nahastuz egiten ditugu eta ondokoak dira: 

  • 1. Zikloko tailerrak

  • 2. ZIKLOKO TAILERRAK

  • 3. ZIKLOKO TAILERRAK

.

1.2. Irakaskuntza partekatua

Hezkuntza partekatuan, gela berean bi irakasle daude. Ez da laguntza soil bat, 2 irakasleak zereginen gidari eta berdineko izanen dira; etengabeko lankidetza eta elkarlanean, proposamen didaktikoak partekatuta, koordinazio estuarekin baterako lana eginez. Horrela, aniztasunari arreta hobea eskaintzen zaio, inklusioa oinarritzat hartuta. 

1.3. Metodologia Kooperatiboa

Ikasteko kooperatu / kooperatzen ikasi

 

“Ikaskuntza kooperatiboaren muina, ikasleak bakarrik ikasiko balu baino haratago iristean datza”.  (Pujolàs, 2009)

 

“Ikaskuntza Kooperatiboaren metodologia tresna ona da aniztasunari ikuspegi inklusibo batetik erantzuna emateko”. (Pujolàs, 2012)

Ikasketa kooperatiboa ikasle talde heterogeneo txikien erabilpen didaktikoa da eta, jardueraren egitura horren bitartez, honako hauek bilatzen dira: 

  • Berdintasunezko parte-hartzea ziurtatzea: taldekide guztiek parte hartzeko aukera berdinak izatea. 

  • Ikasleen arteko aldibereko elkarreragina indartzea: taldean lan egiten ikasteaz gainera, norberaren ahalmenak neurri gorenera eramatea.

  • Homogeneotasunaren logikatik heterogeneotasunaren logikara.

  • Jarduera indibidualista edo lehiakorreko egituratik jarduera kooperatiboan oinarritutako egiturara. 

  • Oinarrizko bi printzipio: parte-hartze ekitatiboa eta aldibereko elkarreragina.