Udaberriko argitasunarekin batera Elorriko web orrialde berria argitara eman dugu. Azkenean lortu dugu! Gure ikasleak bizitzarako ahalik eta hobekien prestatu nahian, Elorri metodologia eraldaketa batean murgilduta dago, irakasle guztion elkarlanaren bidez: tailerrak, bertsoak, abestiak, asmakizunak, irratia martxan … Beste aldetik, ikasnova gela, baliabide digitalak… metodologia eraldaketa honetan txertatzen  ari gara. Lanketa honetan, ospakizunei ere tokia eman nahi diegu: Olentzero eta Mari Domingi, Inauteriak, Elorri Kantuz, Emakumearen Eguna, Indarkeriaren Aurkako Eguna, Idazleen Topaketa, ikasturteko azken eguna… Hezkuntza komunitate osoari esker, aurrera goaz, guztiak batera lanean gure ikasleentzat ahalik eta hoberena lortzeko: irakasleen ilusioa eta gogoa ikasgeletan kutsatuz, ikasleen gaitasun eta trebeziak martxan jarriz, ikastetxeko batzorde desberdinetako kideen  ekarpenak entzunez, gure atezaineei beraien txokoa ederki zainduz, garbitzaileek egiten duten lana aitortuz  eta gurasoei euren laguntza eta proposamenak entzunez, ezinbestekoak baitira, gure ibilbidea aberasteko. Espero dugu gure eskolako lan giroak, gure harremanak estuagoak eta beroagoak ahalbidetzea eta nola ez gure ikastetxeak euskara indartzen segitzen jarraitzea datozen ikasturteetan ere. Gozatu web orrialde honetaz!

Zuzendaritza taldea.